Bitki zamannarda Gagauziyada sıklaştilar mitinglear. Taa çoüu onnarın geçerleari Komratta, nerii geler insannar başka kasabalardan hem küylerdean.
Bitki miting geçirilmea oldu Komratta çiçek ayın çeketmisindea. Mitingin povestkasına koyüldu soruşlar, angılar çok önemli şindiki vakıtta bizim yaşamamızda.
Georgiy Stamatov, gagauzların anılmış vatandaşı, mitingtea açıkladı soruşları, angılar baalı bizim ana dilimizlean, hem bir problemaylan, ani çok uşaklar giderlear ürenmea aşırı devletlerea. Taa o söledi, ki gagauzları leazım saysınnar nicea başka halklarıda dünnedea, kimin var kendi tarihi, kültürü hem da adetleri.
Gagauzların yilk prezidendi Stepan Topal mitingtea yaptı bir çaarış, ki leazım insan birleşsin nica birleştiydi 90-cı yıllarda avtonomii kurmaa. «Şindi da var bizdea çok önemli problemalar,» — urguladı saygılı Topal. — «Onnar baalı bizim danışmaklan, ki Gagauz Yerinea Moldovanın öndürcileri leazım versinear 5 kvota deputatlarçın devledin parlamendinea seçmea». Bir-kaç laf o söledi problemçın, angısı baalı konzesiylean.
Çok meraklı mitingtea nasaatetti Vlademir Komstantinov Çadırdan. O annatı, ani biz diil leazım düşürelim kendi bayramızı ellerimizdean. Ama, nicea o urguladı, var sakınmak, ki bayrak düüşear yerea, zerea pek çok deputatlar satérlar kendilerini, da unuderlar o lafları, ani vererlear uygun izmetetsinnear insana.
Ivan Burgucu, Gagauziyanın anılmış politik çalışkanı, insana mitingtea nişannadı hep o problemi, angısını kaldırdı Stepan Topal, ki Moldova leazım versin Gagauziyaya kvota 5 deputatçin parlamendea seçmea hem da söledi, ani ştraflar şoferlerea bizim devlettea pek büük.
Bu Komrattakı miting geçerilmea oldu Gagauziyanın cümnea akıntısınnan «Narodnoe dvijenie Gagauzii». Onun öndürcüsü Georgiy Arabacı yaptı bildirim, ki çiçek ayın 23-dea olécék genea bölea bir topluş.
Комментарии закрыты.